КЫРГЫЗ РЕСПУБЛИКАСЫНЫН МАМЛЕКЕТТИК КЫЗМАТКЕРЛЕРИНИН ЮРИДИКАЛЫК ЖООПКЕРЧИЛИГИ

Аннотация

Макалада мамлекеттик кызматкерлерди юридикалык жоопкерчиликке тартуу механизминин натыйжалуулугун жогорулатуу жана ушул багыттагы маселелерди чечүү жолдору сунушталат. Мамлекеттик органдардагы мамлекеттик кызматкерлердин ишмердүүлүгүн баалоонун учурдагы тутумун кайра карап чыгып, аларды сыйлоо менен жазалоонун ортосундагы тең салмактуулукту камсыз кылуу аркылуу бул маселелерди алдын алуу мүмкүнчүлүгү аналитикалык негизде каралат. Ошондой эле сунушталып жаткан маселенин артыкчылыктары, санариптик механизмдерди кеңейтүү жана жарандык көзөмөл институттарынын ролун күчөтүү боюнча айрым багыттар талданат жана тиешелүү сунуштар берилет. Мындан тышкары, автор өзүнүн аргументтерин бир катар чет элдик жана жергиликтүү илимпоздордун илимий гипотезаларынын мисалдары менен бекемдейт.