КӨРҮНҮКТҮҮ ОКУМУШТУУ ЖАНА ПЕДАГОГ
Ключевые слова:
персоналия, абылабек, асанканов, окумуштуу, историкАннотация
Артынан шакирт ээрчитип, канатын күүлөп, өнөрүн өстүргөн асыл устаттар болот эмеспи. Биз үчүн ошондой чоң урмат-сыйга татыган, шакирти катары баарыбызды илим жолунда телчиктирип, такшалтып келаткан устатыбыз – т.и.д., профессор, КР УИА академиги Абылабек Асанканович. Устатыбыз бүгүн 70 жашка толуп отурат.
Абылабек Асанканов 1954-жылы 27-декабрда Нарын облусуна караштуу Жумгал районунун Жаңы - Арык айылында жарык дүйнөгө келген. 1972-1977-жылдары азыркы Жусуп Баласагын атындагы Кыргыз улуттук университетинин тарых факультетинде окуган. Окууну ийгиликтүү аяктагандан кийин эмгек жолун Жумгал районундагы Көл-Арык орто мектебинде мугалим болуп баштап, эки жылдан кийин Фрунзе политехникалык институтунда КПССтин тарыхы кафедрасынын окутуучусу катары уланткан. 1980-1983-жылдары СССР ИАсынын Н.Н. Миклухо-Маклай атындагы Этнография институтунда күндүзгү аспирантурада окуган. Этносоциология багытынын негиздөөчүлөрүнүн бири, илимий жетекчиси Леокадия Михайловна Дробижевадан илимий-методологиялык жактан билим алды жана этносоциология багытын аркалаган көрүнүктүү окумуштуулар Юрий Вартанович Арутюнян жана Михаил Николаевич Губоглонун илимий-тажрыйбалык иштери менен жакындан таанышып, алардын баалуу кеңештерин укту. Москвадан алган теориялык-методологиялык билимин Кыргызстанда этносоциология багытын калыптандырууда, өзүнүн илимий мектебин түзүүдө ийгиликтүү колдонду.
